#TraveltoDobrush
Жгунь - гэта аграгарадок, размешчаны ў Добрушскім раёне. Знаходзіцца за 6 км на поўдзень ад Добруша, за 28 км ад Гомеля.
Па пісьмовых крыніцах населены пункт вядомы з XVIII стагоддзя як вёска ў Рэчыцкім павеце Мінскага ваяводства ВКЛ. фельдмаршала графа П.А. Румянцава-Задунайскага.
Адмена прыгоннага права і працэсы, якія мелі месца пасля 1861 года, адбіліся на Жгуні. 2 хлебазапасныя крамы, 5 вятракоў, 2 крамы, гамарня, карчма.
Рэвалюцыйныя падзеі ў Расіі ў пачатку XX стагоддзя дакацілася і да Жгуні. Тут быў створаны сацыял-дэмакратычны гурток, які дзейнічаў на працягу 1905-1906 гадоў.
У 1919 годзе арганізавана сельскагаспадарчая арцель. У 1922 годзе ў Жгуні была створана адна з найбуйнейшых на Дабрушчыне камсамольскіх арганізацый. У 1926 годзе ў вёсцы функцыянавалі пачатковая школа і хата-чытальня.
У пачатку 1930-х гадоў працавалі 8 вятракоў і торфаздабыўная арцель.
Падчас Вялікай Айчыннай вайны акупанты спалілі 504 двары і забілі 12 жыхароў.
Пасля вайны падняліся з руін вёска Жгунь і калгас "Чырвоны маяк". На базе гэтай гаспадаркі і некалькіх суседніх калгасаў быў створаны племзавод "Жгунскі".
У пасляваенныя гады развівалася і сацыяльная інфраструктура: тут была сярэдняя школа, фельчарска-акушэрскі пункт, Дом культуры, бібліятэка, дзіцячы яслі-сад, аддзяленне сувязі, швейная майстэрня, магазін.
Рашэннем Добрушскага раённага Савета дэпутатаў у 2010 годзе вёска Жгунь пераўтворана ў аграгарадок Жгунь.
Жгунь - радзіма Героя Сацыялістычнай Працы Любові Захараўны Сцяпуковай і Уладзіміра Іванавіча Пракапцова.
Транспартныя зносіны з Добруша і Гомеля ў Жгунь і назад ажыццяўляецца штодня. З аўтастанцыі Добруша ходзяць маршруткі: Добруш - Гай, Добруш - Антонаўка, Добруш - Васільеўка, Добруш - Красная Буда.
